मृदपि च चन्दनमस्मिन् देशे
ग्रामो ग्राम: सिद्धवनम् ।
यत्र च बाला देवीस्वरूपा
बाला: सर्वे श्रीरामा:
बाला: सर्वे श्रीरामा: ॥
हरिमन्दिरमिदमखिलशरीरम्
धनशक्ती जनसेवायै ।
यत्र च क्रीडायै वनराज:
धेनुर्माता परमशिवा ॥
नित्यं प्रात: शिवगुणगानं
दीपनुति: खलु शत्रुपरा ।
यत्र च बाला देवीस्वरूपा
बाला: सर्वे श्रीरामा:
बाला: सर्वे श्रीरामा: ॥ 1 ॥
भाग्यविधायि निजार्जितकर्म
यत्र श्रम: श्रियमर्जयति ।
त्यागधनानां तपोनिधीनां
गाथां गायति कविवाणी ॥
गंगाजलमिव नित्यनिर्मलं
ज्ञानं शंसति यतिवाणी ।
यत्र च बाला देवीस्वरूपा
बाला: सर्वे श्रीरामा:
बाला: सर्वे श्रीरामा: ॥ 2 ॥
यत्र हि नैव स्वदेहविमोह:
युद्धरतानां वीराणाम् ।
यत्र हि कृषक: कार्यरत: सन्
पश्यति जीवनसाफल्यम् ॥
जीवनलक्ष्यं न हि धनपदवी
यत्र च परशिवपदसेवा ।
यत्र च बाला देवीस्वरूपा
बाला: सर्वे श्रीरामा:
बाला: सर्वे श्रीरामा: ॥ 3 ॥
मृदपि च चन्दनमस्मिन् देशे
ग्रामो ग्राम: सिद्धवनम् ।
यत्र च बाला देवीस्वरूपा
बाला: सर्वे श्रीरामा:
बाला: सर्वे श्रीरामा: ॥
– श्री. जनार्दन् हेगडे
mṛdapi ca candanamasmin deśe grāmo grāma: siddhavanam ।
yatra ca bālā devīsvarūpā bālā: sarve śrīrāmā: bālā: sarve śrīrāmā: ॥
harimandiramidamakhilaśarīram dhanaśaktī janasevāyai ।
yatra ca krīḍāyai vanarāja: dhenurmātā paramaśivā ॥
nityaṃ prāta: śivaguṇagānaṃ dīpanuti: khalu śatruparā ।
yatra ca bālā devīsvarūpā bālā: sarve śrīrāmā: bālā: sarve śrīrāmā: ॥ 1 ॥
bhāgyavidhāyi nijārjitakarma yatra śrama: śriyamarjayati ।
tyāgadhanānāṃ taponidhīnāṃ gāthāṃ gāyati kavivāṇī ॥
gaṃgājalamiva nityanirmalaṃ jñānaṃ śaṃsati yativāṇī ।
yatra ca bālā devīsvarūpā bālā: sarve śrīrāmā: bālā: sarve śrīrāmā: ॥ 2 ॥
yatra hi naiva svadehavimoha: yuddharatānāṃ vīrāṇām ।
yatra hi kṛṣaka: kāryarata: san paśyati jīvanasāphalyam ॥
jīvanalakṣyaṃ na hi dhanapadavī yatra ca paraśivapadasevā ।
yatra ca bālā devīsvarūpā bālā: sarve śrīrāmā: bālā: sarve śrīrāmā: ॥ 3 ॥
mṛdapi ca candanamasmin deśe grāmo grāma: siddhavanam ।
yatra ca bālā devīsvarūpā bālā: sarve śrīrāmā: bālā: sarve śrīrāmā: ॥
– śrī janārdan hegaḍe
Credits: Courtesy Brahmachari Ved Chaitanya of Chinmaya International Foundation (CIF)
Image courtesy: Bapu
P.S.: All errors / mistakes are my own